“Gelditzea, kanpotik begiratzea, geure buruarengandik, besteengandik deskonektatzea. Belarra zapaltzea, zerua behatzea, haize leuna sentitzea, geure burua joaten uztea.”
Kontzientzia eraldatzeko artea gure barnean begiratzeko gonbidapena da, gure bizitzak kontrolatzeaz gain, jatorrizko izaeratik urrutiratuta gauzkaten patroi inkontzienteak aurkitu ditzagun.
“Geure burua ezagutzea, maitatzea, onartzea eta ilunenean geure buruarekin, besteekin eta ama naturarekin berriro konektatzeko aukera emango digun indarra aurkitzea.”
Programa honek zure barne-eremu inkontzientean, zeure benetako nortasunaren oinarrian, miatzeko mapa bat eskainiko dizu, baita ekintza-plan bat egiten lagunduko dizuten tresnak ere, zure bizitza oztopatzen duten alderdi negatiboen gainetik (desadostasun afektiboak, familiarrak, lanekoak, ekonomikoak...) zeure buruaren bertsio jasoagoa lortzeko.
“Gure barneko argigunea zabaldu, distiratu, sortu.”
Tailer bat toki segurua eta babestua da, eta bertan pertsona batzuk helburu komun batekin elkartzen direnean sortzen den eremuarekin, hau da, harreman-eremuarekin bat eginda garatzen dut nire lana. Eremu honek prozesu emozional inkontzienteak biltzen ditu, baita eguneroko bizitzako ehuna osatzen duten elementuak ere (sentimendu partekatuak, nahiak, bulkadak, gatazkak, topaketak, etsipenak, batasunak, traizioak), ikusiak eta barne hartuak izan nahi dutenak. Tailer batean, parte-hartzaileek leiho gisa jokatzen dute, eta leiho horren bidez, banakako gaiak ez ezik, izaera sistemiko eta kolektiboko gaiei lotutako edukiak ere sortzen dira. Lotura honi esker, topaketa hauek banakako eta taldeko memoriak osatzeko eta eraldatzeko esperientziak izaten dira.
Oinarrizko ikaskuntzak programan zehar: harreman-kontzientzia, barne-garapena, komunikazio kongruentea, trauma pertsonala, trauma kolektiboa, sentimendua, pentsamendua eta ekintza bat etortzea, maskulinotasunaren eta femeninotasunaren arteko oreka sakona eta aurkakoekin lan egitea.
“Autoerrealizaziorako bidea, gure egunerokotasuna kudeatzeko, garenaren eta egiten dugunaren kontakizuna aldatzeko eta hazteko.”
METODOLOGIA
Tailerren diseinua hainbat arketiporen inguruan egokitzen da (Gerlaria, Sendatzailea, Bisionarioa, Itzala eta Maisua), gizaki guztiok partekatzen ditugun ezaugarri eta nolakotasun pertsonalen adierazgarri diren arketipoak . Hori guztia itzalaren lanaren metodologiatik abiatuta. Honen bidez, trauma indibidual eta sistemikoen ondorioz baztertzen ditugun alderdiez jabetzen gara kontzienteki horiei eusteko. Era honetara, baztertutako arloen nolakotasunak tresna gisa erabiliko dira ahaldundu eta geure esentziarik benetakoenera iristeko.
Arketipo horiek ardatz hartuta, berauen nolakotasunak eta itzalak bizipen-moduan eta organikoan azaleratzen dira parte-hartzaileen bizi-esperientzietan eta etengabeko prozesua osatzen dute urteko ibilbidean zehar. Tailerrak bideratzeko hainbat tresna erabiltzen ditut, hala nola, Konstelazioak, Prozesuen Lana, bidaia xamanikoa edo mugimenduko eta dantza kontzienteko dinamikak. Horiexek bihurtzen dute tailer bat esperientzia paregabea parte-hartzaile bakoitzarentzat, baita edukiontzi eraldatzailea ere prozesatu eta integratu behar diren alderdientzat, gatazkak konpontzen eta ongizate integrala lortzen lagunduko diguten
ulermen berriei bide emateko
